ئەڤرۆ رێککەفتی ۲۰۲۳/١١/١٥ شاندەکێ رێڤەبەریا گشتی یا وەبەرهێنانێ ل پارێزگەها دهۆک، سەرەدانا نەخۆشخانا شریان یا تایبەت کر و ژلایێ سەرۆک ئەنجومەنێ کارگێرێ یێ نەخۆشخانێ ڤە هاتنە پێشوازیکرن
.
د رونشتنەکێ دا د.هڤال صدیق، رێڤەبەرێ گشتی یێ وەبەرهێنانێ ل پارێزگەها دهوکێ دەست خۆشی ل سەرۆکێ ئەنجومەنێ کارگێری و ستافێ نەخۆشخانا شریان کر و دیارکر د نوکەدا زانستێ ساخلەمیێ د پێشکەفتنەکا باش دایە، گرنگە ئەو پێشکەفتنا دوارێ ساخلەمی دا، ب کۆالێتیەکا بەرز و باشترین خزمەتێن زانستێن ساخلەمی یێن سەردەم، ل دەڤەرامە بهێنە دابینکرن، نەخۆشخانا شریان شیایە ب دیزانەک جوان و خزمەتێن نویی و سەردەم، دوارێ ساخلەمی دا بەردەست بکەت
.
سەرۆکێ ئەنجومەنێ کارگێری یێ نەخۆشخانا شریان یا تایبەت دیارکر خۆشحالین ب سەرەدانا رێڤەبەرێ گشتی یێ وەبەرهێنانا پارێزگەها دهۆک بو نەخۆشخانا شریان، سوپاس بو پشتەڤانی و پالپشتیا رێڤەبەریا وەبەرهێنانێ دگەل کەرتێ تایبەت دا، و گۆت: مە بزاڤکرینە باشترین و نوترین خزمەتێن د ورارێ زانستێ ساخلەمیێ دا، ژلایێ ئامیرین نوژداری و چارەسەریێ و هەروەسا نوژدار و ستافەکی باش دابین بکەین، بو پێشکێشکرنا خزمەتێن ساخلەمی ل ئاستەکێ بەرز، بو خەلکێ پارێزگەها دهۆک و دەوروبەران.
شاندێ ناڤبری ژ نێزیک سەرەدانا پشکێن نەخۆشخانا شریان کر بو دیتنا ئەو خزمەتێن د ناڤا پشکێن جودا یێن نەخۆشخانێ دا هاتینە دابینکرن.
