رۆژا ئێکشەمبی رێکەفتی 29/10/2023 ب ئامادەبوونا سەرۆکێ ئەنجومەنێ کارگێری یێ نەخۆشخانا شریان و سەرۆکێ زانکۆیا ئەمریکی یا کوردستانێ، لێکتێگەهشتنەک ل دۆر پێشڤەبرنا کارێ پەرستاران هاتە ئیمزاکرن
.
دپەیڤەکێ دا د.هشیار اوصمان عمر جێگرێ سەرۆکێ ئەنجومەنێ کارگێری یێ نەخۆشخانا شریان دیارکر لێکتێگەهشتنەک هاتە ئیمزاکرن، دناڤبەرا نەخۆشخانا شریان یا تایبەت و زانکۆیا ئەمریکی یا کوردستانێ، ب مەرەما زێدەتر هەماهەنگی و لێک گۆهورینا پراکتیکی دناڤبەرا نەخۆشخانا شریان و زانکۆیا ئەمریکی دا، ب مەرەما زێدەتر گرنگی دان ب شیانێن پەرستاران، و هاریکاریا قوتابیێن وان بکەین ل نەخۆشخانا شریان، بو زێدەتر خزمەتکرنا کەرتێ ساخلەمیێ ل پارێزگەها دهۆکێ، و گۆت: خوشحالین ب ئامادەبوونا سەرۆکێ زانکۆیا ئەمریکی یا کوردستانێ، و ئەم ژی دێ مفایەکێ باش وەرگرین، ژ وان ڤەکۆلینێن هاتینەکرن، ل سەر ئاستێ جیهانێ، چونکو ئەو سیستەمێ ل زانکۆیێ پەیرەو دکەن یێ پێشکەفتی یە، مە دڤێت مفای ژێ وەرگرین وەک نەخۆشخانە و باشتر خزمەتا نەخۆشێن خو بکەین، و کەرتێ ساخلەمیێ ل دەڤەرێ ب رەنگەکێ گشتی، و خزمەتا قوتابیێن وان بکەین، د وارێ پراکتیکی دا، دەما دهێنە نەخۆشخانا شریان، ئەو کارێن تیوری ل زانکۆیێ وەردگرن، بشێن ل ڤێرێ جێبەجێ بکەن
.
د.راندل رودسم، سەرۆکێ زانکۆیا ئەمریکی یا کوردستانێ گۆت: گەلەک کەیفخۆشم مە سەرەدانا نەخۆشخانا شریان یا تایبەت کری، هیڤیدارین ئەم بشێن، ب ڤێ سەرەدانێ، پەیەوەندیێن خو باشتر لێ بکەین، دگەل نەخۆشخانا شریان، ژهەردو لایێن ئەکادمی و یێ ساخلەمی، و گۆتژی: ئارمانجا مە ئەوە بشێن، خزمەتێن ساخلەمی باشتر لێ بکەین، مە هەردو ئالیان، باوەریا ب هندێ هەیی، باشترێن جورێن تەکنولوجیایێ بهێتە بکارئینان، دوارێ راهێنان و چارەسەریێ دا، ژلایێ پەرستاران ڤە و هەروەسا نوژدارا، و ئەف چەندە هاتەکرن ب مەرەما هندێ، ئەم باشتر خزمەت و ئەنجامان ژوان کەسان وەرگرین، چ پەرستار یان نوژداربن، چونکو ئارمانجا مە ئەوە، ل کوردستانێ باشترین جورێ خزمەتێ و راهێنانا پەیداکەین، بو وێ چەندێ هەمی نەخۆشێن مە بمیننە ل دهۆکێ و کوردستانێ، خزمەتێن ساخلەمی ل دوف ستانداردێن جیهانی پەیدابکەن.
