ئەڤرۆ رێکەفتی 2023/12/11 ب ئامادەبوونا د.علی تتر پارێزگارێ دهۆکێ و د.افراسیاب موسی رێڤەبەرێ گشتی یێ ساخلەمیا دهۆک و د.هڤال صدیق رێڤەبەرێ گشتی یێ وەبەرهێنانێ ل پارێزگەها دهۆک، و سەرۆکێ ئەنجومەنێ کارگێری یێ نەخۆشخانا شریان و هژمارەکا رێڤەبەرێن میری و حزبی و نوژدار و کارمەندێن نەخۆشخانا شریان د رێ و رەسمەکێ تایبەت دا، نەخۆشخانا شریان بشێوەیەکێ فەرمی هاتەڤەکرن
.
د پەیڤەکێ دا د.علی، تتر پارێزگارێ دهۆکێ دیارکر خۆشحالین ئەڤرۆکە نەخۆشخانەکا مودێرن و پێشکەفتی ل پارێزگەها دهۆکێ هاتەڤەکرن، جهێ خوشحالیێ یە نوترین ئامیرێن پزیشکی ل نەخۆشخانا شریان یا تایبەت هاتینە دابینکرن، و هەروەسا هژمارەکا نوژدارێن تایبەتمەند لێ کاردکەن، و گۆت: جهێ خۆشحالیێ یە قوناغ قوناغ هژمارەکا نەخۆشخانێن باش و مودرێن ل سەر ئاستێ هەرێما کودستانێ و ب تایبەت ل پارێزگەها دهۆکێ دهێنە دانان، بوزانین بەری ماوەیەکی رێزدار مسرور بارزانی، سەرۆکێ حکومەتا هەرێما کوردستانێ بەرێ بنیاتی بو هژمارەکا نەخۆشخانا ل پارێزگەها دهۆک دانایە، و پشتەڤانیا خو بو کەرتێ تایبەت دیارکر، بو ڤەکرنا ڤان نەخۆشخانێن تایبەت، و گوتژی:ئەف نەخۆشخانە رێیەکە بو وێ چەندێ کەس و کارێن مە یێن نەخۆش سەرەدانا دەرڤە نەکن، ب مەرەما وەرگرتنا چارەسەریێ و پێدڤی دەرڤە نەبن، و دروستکرنا نەخۆشخانەکا ل ڤی ئاستێ بلند جهێ خۆشحالیێ یە، و پیرۆزباهیێ ل سەرۆک و رێڤەبەر و نۆشدار و کارمەندێن نەخۆشخانا شریان دکەم، و داخازا سەرکەفتنێ بو دخازم، خۆدێ شیفایێ بو هەمی نەخۆشان فرێکەت
.
د.افراسیاب موسی، رێڤەبەرێ گشتی یێ ساخلەمیا دهۆک دیارکر وەک وەزارەتا ساخلەمیا حکومەتا هەرێما کوردستان و رێڤەبەریا گشتی یا ساخلەمیا پارێزگەها دهۆکێ، بەردەوام ئەم پشتەڤانێن کەرتێ تایبەتن، چونکو نەخۆش هەنە سەرەدانا دەرڤەیی وەلاتی دکەن یو پێدڤی بویە ب زوترین دەم بهێتە چارەسەرکرن، و رمانا وێ ئەو نینە ببیتە جێگرێ نەخۆشخانێن حکومی، وگوت: چونکو کابینا نەهێ یا حکومەتا هەرێما کوردستانێ، هەمی پێکولکرنیە نەخۆشخانێن حکومی زێدەتر لێ بکەت و خزمەتا خەلکی و نەخۆشان زێدەتر بهێتەکرن، لێ پێدڤیە نەخۆشخانێن تایبەت هەبن، و پشتەڤانێن نەخۆشخانێن حکومی بن، و نەخۆشێن مە پێدڤی ب چوونا دەرڤە پارێزگەهێ و هەروەسا دەرڤەیی وەلاتی نەبن بو وەرگرتنا چارەسەریێ، ان شاء الله ببیتە جهێ گەشت و گۆزاریا ساخلەمی ل پارێزگەها دهۆکێ و نەخۆش ژ پارێزگەهێن دی یێن عێراقی سەرەدانا نەخۆشخانا شریان بکەن، و ببیتە جهێ کاری و وەبەرهێنانێ ل پارێزگەها دهۆک، و پیرۆزباهیا ستافێ نەخۆشخانێ و هەمی نوژدار و کارمەندێن نەخۆشخانێ دکەین و وارێ خێرێ بیت، وگۆتژی: کارەکێ باش هاتیەکرن و نەخۆشخانەکا ب کۆالێتی و پێشکەفتی هاتیە دروستکرن، و پتریا خزمەتێن نەخۆش پێدڤی دبن، ل نەخۆشخانا شریان هاتینە دابینکرن، دخوازین کارگێریەکا رێکخستی ل نەخۆشخانا شریان بهێتەدانان، گرنگیێ ب رێک و پێکی و پاقژیا نەخۆشخانێ بهێتەکرن، و خزمەتەکا باش بو خەلکێ مە بهێتە پێشکێشکرن.
