ئەڤرۆ رۆژا دوشەمبی ۲۰۲۳/۱۰/۲ ب ئامادبوونا رێڤەبەرێ گشتیێ چاڤدێری و گەشەپێدانا جڤاکی و کارگێریا نەخۆشخانا شریان، بوجارا ئێکێ ل پارێزگەها دهۆکێ نەخۆشخانا شریان یا تایبەت داشکاندنەکا تایبەت بو هەلگرێن ناسناما چاڤدێری و گەشەپێدانا جڤاکی رادگەهینیت
.
هیثم عبدی، رێڤەبەرێ کارگێری یێ نەخۆشخانا شریان دیارکر ب خوشحالی ڤە ئێکەم نەخۆشخانا تایبەتین ل پارێزگەها دهۆکێ، ب هەماهەنگی دگەل رێڤەبەریا گشتی یا چاڤدێرێ و گەشەپێدانا جڤاکی، رابوینە هاریکاری و داشکاندنەکا تایبەت بو هەمی هەلگرێن ناسناما چاڤدێریا جڤاکی ب رێژا 50%، وەک کێم ئەندام و خودان پێدڤیێن تایبەت، وگۆت: ئەف هەماهەنگیە یا گرنگە، ب تایبەت دڤان کاودانان دا، وەک کارەکێ مرۆڤایەتی، رێژەکا باش یا داشکاندنێ بهێتە دیارکرن، بو وان یێن سەرەدانا نەخۆشخانا شریان دکەن، و پێدڤی ب هەر خزمەتەکا نەخۆشخانێ بن، دێ د خزمەتا وان دابین
.
د.شێرزاد حمید هروری، رێڤەبەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ دیارکر ئەف جورە پرۆژێن هاریکاریێ گەلەک دگرنگن، و سوپاسیا کارگێریا نەخۆشخانا شریان دکەین، بو ڤێ داشکاندنا تایبەت، بو هەلگرێن ناسناما چاڤدێریا جڤاکی، و گۆت: ئەف پرۆژە ژلایەکی ڤە هاریکاریە بو خودان پێدڤیێن تایبەت، دگەل سەرۆکێن کومەلێن خودان پێدڤیێن تایبەت د حازرین ئەف پرۆژە بکەڤیتە د وارێ جێبەجێکرنێ دا، وەک دیار ئەف داشکاندنە هەمی جورێن ساخلەمیێ بخوڤە دگریت، وەک پشکنین و تیشک و دەرمان و هەروەسا نۆشداران، و هەمی خزمەتێن نەخۆشخانێ، و گۆتژی: جهێ خوشحالیێ یە، ئەف پرۆژە دێ یێ بەردەوام بیت، و پرانیا وان ئەون یێن خودان پێدڤیێن تایبەت، کو دێ مفاداربن، ژ ئەڤی پرۆژەیی.
