پەنجەشێرا مەمکی بریتیە ژ زێدەبوونێ یان دابەشبوونەکا نە ئاسایی ل ئۆرگانێن لەشی، پاشی هێرشێ دکەت سەر خانەیێن دی یێن نێزیک خۆ و وەدکەت ئەو خانە باش کارێ خۆ نەکەن، و هندەک جارا ب وی ڕەنگی نا ڕاوەستن و بەردەوام دبەلاڤبوونێ دانە، دهەمان دەمدا ب ڕێکا خۆینێ بەلاڤدبن بۆ بەشێن دی یێن لەشی، و مەرج نینە هەمی گرێ ببنە پەنجەشێر ژبەرهندێ هەر گرێیەکێ جیاوازیا خۆ هەیە.
ئەگەرێن توشبوونێ:
بتنێ ئێک ئەگەر نینە بو تووشبوونێ، ژبەرهندێ ئەگەرێن جیاواز هەنە، بەلێ یا ژهەمیان دیارتر بۆماوەیی یە ژ خێزانێ، و ل هندەک نەخۆشێن قەلەو و کێم لڤین و کێشانا جگارا و ڤەخۆارنا کحولی، هەروەسا خۆارنا حەبکێن دژی دووگیانیێ و بێ شیرەتکاریا نۆژدارێ تایبەتمەند، دهەمان دەمدا ئەو ژنێن شیرێ خۆ نادنە زارۆکێن خۆ ئەگەرێ تووشبوونێ ل دەف وان زێدەترە.
ژ خالێن پشكنینا خۆیی یە:
یا باشتر ئەوە ژن دژیێ 20 ساڵیێ و دسەردا پشکنینا بۆ خۆ ئەنجامبدەن، ئەڤەژی کارەکێ بسانەهی یە، هەڵسەنگاندنێ بۆ مەمکێن خۆ بکەت، ب باشی سەکتێ کا چ گۆهوڕین د قەبارەی و ڕەنگێ پیستی دا دروستبوویە یان نە، یا باشتر ئەوە ب تبلێن خۆ بشێوێ بازنەیی مەمک و بن باش پشکنینێ بۆ بکەت، کا هەست ب چ گرێیا ناکەت،و ل دەمێ هەبوونا هەر تشتەکی جیاواز یا باش ئەوە ب زۆترین دەم سەرەدانا نۆژداری بکەت.
ژ نیشانێن پەنجەشێرا مەمکی:
١- هەبوونا گرێکا ل مەمکی و گەلەک جارا ئێشان نینە.
٢- دەرکەفتنا ئاڤەکێ ژ مەمکی یا کەسک، سۆر، زەر.
٣- هەبوونا گرێیا ل بنکەفشی.
٤- هاتنا خۆار یا کێشا لەشی.
٥- گۆهوڕینا شێوێ مەمکی.
بو خۆ خۆپاراستنێ:
ژن بۆ خۆپاراستنێ ژ پەنجەشێرا مەمکی دشێن پشکنینا هەیڤانە ئەنجام بدەن، هەروەسا پشتی ژیێ 40 ساڵیێ باشترە هەر دوو ساڵان جارەکێ سەرەدانا جهەکێ تایبەت ب پشکنینا مەمکی بکەن، و دانا شیری ب زارۆیێ خۆ و شووکرن ددەمێ خۆدا و شریناهیان کێم بخۆن، چۆنکو شرینی دبنە ئەگەرێ کێمبوونا بەرگریا لەشی، دەمێ بەرگریا مرۆڤی کێمبوو بسانەهی تووشی نەخۆشیادبن، ئەنجامدانا وەرزشێ بۆ دەمێ 30 خۆلەکان پێنج رۆژان دحەفتیێ دا.
و ڤان خاڵان بەرچاف وەرگرن:
١-پشکنینا هەیڤانە.
۲- شیردانا سرۆشتی.
۳- کێم خۆارنا شرینی و نەکێشانا جگارا و نە ڤەخۆارنا مادەیێن کحولی.
٤- دوورکەفتن ژ بکارئینانا وان مادەیێن هۆڕمون تێدا بێ شیرەتکاریا نۆژداری.
٥- ئەنجامدانا وەرزشێ.
